Golden Globe 2015

... Nei, þetta er ekki færsla um hár og förðun, enda hef ég ekkert sérstakt vit á slíku. Mig langaði hinsvegar aðeins að skoða þættina sem þar komu við sögu. 

Í ár "áttum við Íslendingar" sigurvegara í fyrsta sinn. Jóhann Jóhannsson hlaut verðlaun fyrir tónlist sína í kvikmyndinni The Theory of Everything, sem fjallar um Stephen Hawking. Það er nú nokkuð impressive!

Ég er mikill þáttaunnandi og sífellt í leit að nýjum lendum til að nema þegar kemur að sjónvarpsþáttum. Mér fannst því gaman að renna yfir listann og sé mér gott til glóðarinnar á næstu mánuðum þegar tími gefst til. 

(Þessir sem ég litaði rauða hlutu verðlaunin í hverjum flokki og í sviga aftanvið er einkunnin á imdb)

Best television series - Drama

The Affair 

Þetta eru nýir þættir sem ég hef ekki enn séð en get eiginlega ekki beðið eftir að kíkja á. . IMDB lýsir þeim einhvernveginn svona: sálræn áhrif framhjáhalds á milli giftrar þjónustukonu og kennara sem eyðir sumrinu sínu á landareign tengdaforeldra sinna. Áreiðanlega gott stöff!   (8)

Downton Abbey 

Fólk virðist alveg vera vitlaust í hann þennan, allskonar fólk af öllum gerðum hefur dásamað hann við mig og ég er eiginlega orðin pínulítið forvitin. Umgjörðin heillar mig ekkert sérstaklega þó. Hefðarfólk og vinnuhjú fyrir WWI?? Ég ætla að hafa þetta bakvið eyrað a.m.k., svona ef í harðbakka slær gæti verið að ég kíki á þetta.

 Imdb: A chronicle of the lives of the Crawley family and their servants, beginning in the years leading up to World War I. (8,8)

Game of Thrones

Ég gafst upp á þessum, eiginmanninum til mikillar armæðu. Ég fíla bíómyndir í þessum dúr en ég nenni eiginlega ekki að fylgjast með heilu þáttaröðunum. Of mikið víkingatímabils og drápsfílingur fyrir minn smekk. En ég veit að ég er voðalega sér á báti þegar kemur að þessu áliti mínu, það virðast flestir vera sammála um að elska þessa þætti, sbr. einkunnina á imdb.

Imdb: Several noble families fight for control of the mythical land of Westeros. (9,5)

The Good Wife

Ég fíla þessa. Einhverntíma datt ég út og ég á fullt inni, þarf eiginlega að fara að drífa í að athuga hvar ég var stödd. Fíla konseptið og fíla leikarana. Þetta eru þó svona þættir sem mér þykir þægilegt að horfa á með öðru auganu og er ekkert að pissa á mig úr spenningi á meðan ég bíð eftir næsta. Flottir „brjótasamanaþvott“ þættir!

Imdb: Alicia has been a good wife to her husband, a former state's attorney. After a very humiliating sex and corruption scandal, he is behind bars. She must now provide for her family and returns to work as a litigator in a law firm. (8,3)

House of Cards

Aftur, allir virðast elska þessa. Ég hef hinsvegar ekki alveg fundið taktinn. En það gæti reyndar verið vegna þess að ég byrjaði að horfa einhverntíma þegar ég var veik og vildi endilega fá Baldvin til að horfa með mér á þá, hann er hinsvegar alltaf eitthvað dræmur þegar kemur að því að vera í House of Cards stuði. Við kannski kippum því í lag sem fyrst og ég get þá myndað mér almennilega skoðun.

Imdb: A Congressman works with his equally conniving wife to exact revenge on the people who betrayed him. (9,1)

BEST PERFORMANCE BY AN ACTRESS IN A TELEVISION SERIES - DRAMA

Claire Danes - Homeland

Viola Davis - How to get away with murder

Julianna Margulies - the good wife

Ruth Wilson - the affair

Robin Wright - house of cards

Hef svosem ekki mikið að segja um þetta annað en að ég mæli með How to get away with murder! Það eru svona „ó mæ, ég verð að sjá næsta þátt“ þættir. Líka gaman að segja frá því að sá sem leikur eitt aðahlutverkanna lék Dean Thomas í Harry Potter. Sami höfundur og skrifaði Private Practice, Grey´s Anatomy og Scandal. Allt þættir sem ég elska!

Imdb: A group of ambitious law students and their brilliant criminal defense professor become involved in a twisted murder plot that promises to change the course of their lives. (8,2)

BEST PERFORMANCE BY AN ACTOR IN A TELEVISION SERIES - DRAMA

Clive Owen - The Knick

Liev Schreiber - Ray Donovan

Kevin Spacey - House of Cards

James Spader - The Blacklist

Dominc West - The Affair

Hérna þarf ég aðeins að minnast á Blacklist. Ég er alveg orðin húkkt á þeim. 

Mér finnst James Spader líka bara eiga þáttinn! Hann er stórkostlegur! Ef þið hafið ekki kíkt á þá þá mæli ég eindregið með að vinda sér í það verk ekki seinna en strax. FBI drama! (8,2)

BEST TELEVISION SERIES - COMEDY OR MUSICAL

Girls 

Ég fíla Girls! Öðruvísi þættir sem eru líka einhvernveginn raunverulegri heldur en allir þessir glamúr þættir þar sem allir líta út eins og súpermodel og vaða í peningum. Mæli með!

Imdb: A comedy about the experiences of a group of girls in their early 20s. (7,5)

Jane the Virgin

Aldrei heyrt um þessa, verð að viðurkenna að tagline-ið hreyfir ekki við mér, en hef þá bakvið eyrað.

Imdb: A young, devout woman discovers that she was accidentally artificially inseminated. (7,5)

Orange is the new black

Þessa þætti elska ég og binge-horfði alveg á þá út í gegn seinasta suma, tvær seríur. Þarf svo að bíða, ekki svo þolinmóð, eftir næstu. Gallinn við þessar Netflix seríur.

Imdb: The story of Piper Chapman, a woman in her thirties who is sentenced to fifteen months in prison after being convicted of a decade-old crime of transporting money for her drug-dealing girlfriend. (8,5)

Silicon Valley

Ég er svolítið spennt fyrir þessum.

Imdb: In the high-tech gold rush of modern Silicon Valley, the people most qualified to succeed are the least capable of handling success. A comedy partially inspired by Mike Judge's own experiences as a Silicon Valley engineer in the late 1980s. (8,4)

Transparent

Ég hafði aldrei heyrt um þessa en er mjög spennt að byrja.

Imdb: An LA family with serious boundary issues have their past and future unravel when a dramatic admission causes everyone's secrets to spill out.(8,1)

BEST PERFORMANCE BY AN ACTRESS IN A TELEVISION SERIES - COMEDY OR MUSICAL

Lena Dunham – Girls

Edie Falco - Nurse Jackie

Julia Louis-Dreyfus – Veep

Gina Rodriguez - Jane the Virgin

Taylor Schilling - Orange is the new black

BEST PERFORMANCE BY AN ACTOR IN A TELEVISION SERIES - COMEDY OR MUSICAL

Louis C.K. Louie

Don Cheadle - House of Lies

Ricky Gervais - Derek

William H Macy - Shameless

Jeffrey Tambor - Transparent

BEST MINI-SERIES OR MOTION PICTURE MADE FOR TELEVISION

Fargo

The Missing

The Normal Heart

Olive Kitterbridge

True Detective

Ég á enn eftir Fargo og True Detective. Margir hafa veri að dásama þá við mig og ég er sko með þá bakvið eyrað.

Flottheit og fínerí

Ég er afskaplega mikill fagurkeri inn við beinið. Verandi námsmaður, búandi á stúdentagörðum, endurspeglar innbúið hinsvegar ekki beint smekk eða stíl okkar hjóna. Innbúið okkar samanstendur mestmegnis af húsgögnum sem við höfum annaðhvort fengið gefins eða keypt fyrir slikk, notað. Þó eigum við auðvitað eitthvað af munum sem við höfum fengið að gjöf og við eignuðumst til dæmis margt fínt og flott þegar við giftum okkur. 

Mig langaði hinsvegar svolítið að segja ykkur frá þremur hlutum, sem við Baldvin höfum fengið að gjöf, sem okkur þykir einstaklega vænt um. Hönnuðurinn er enginn annar en hún tengdamamma mín, Dagný E. Einarsdóttir. Hún er afskaplega fær í höndunum og mér finnst aðdáunarvert hvað hún er dugleg að framkvæma hlutina og gera það sem veitir henni ánægju.

Fyrst ber að nefna þetta einstaklega fallega loftljós. 

Birtan af ljósinu er mjög skemmtileg. 

Með þessari hönnun var verið að endurvekja gamalt, íslenskt handverk, frá 6. og 7. áratug síðustu aldar. Ljósin eru fáanleg í hinum ýmsum stærðum, gerðum og litum. Mér finnst snúran líka einstaklega skemmtileg. Það er hægt að fá hana í ýmsum litum og ýmist vafna eða ekki. Ljósin fást í Epal en hægt er að skoða þau nánar á hér: https://www.facebook.com/pages/DEMO-Handverk/287027031320470 eða hér: http://www.demohandverk.is/doemo-lj%C3%B3s.html

Svo er það fallega jólatréð okkar. Ég, sem yfirleitt er alveg pikkföst í hefðum þegar kemur að jólunum, vissi nú ekki alveg með að skipta venjulegu-gervi-jólatré útfyrir smíðað jólatré. Þegar ég sá það fyrst gleymdi ég hinsvegar öllu sem tengist þessum venjulegu trjám. Mér finnst það stórglæsilegt og er hrikalega stolt af því. Það er öðruvísi, en á sama tíma svo einstaklega smekklegt. 

Hugmyndin að trjánum kemur frá jólatrjám sem voru á íslenskum og skandinavískum heimilum á fyrri hluta síðustu aldar. Þau smíðaði fólk oftast sjálft, úr því efni sem til var, og skreytti síðan gjarnan með mosa og lyngi. Stundum voru líka sett lítil kerti á greinarnar. 

Trén komu í þremur stærðum, (45 cm, 65 cm og 110 cm) og þremur litum, ólituð, ljósgræn og dökkgræn. Þau hafa fengist í Epal og Kraum fyrir jólin. Hér má skoða þau nánar: http://www.demohandverk.is/j%C3%B3latr%C3%A9.html

Að síðustu er það svo jólagjöfin til okkar í ár. Þessi fáránlega flotti borðlampi. 

Hann er hugarsmíð Dagnýjar og er hann hennar, alveg frá grunni. Hún saumaði utanum hann og sauð saman grindina. Þessi smellpassar alveg við okkar stíl.

Mikið sem við Baldvin erum heppin að fá að njóta þessara hæfileika. Fólk minnist iðulega á þessa muni að fyrra bragði þegar það kemur í heimsókn í fyrsta sinn og það er augljós flottheita-stimpill. 

Instagram vikunnar

Ég elska instagram og hef verið ágætlega virk upp á síðkastið. Það eru nú alltaf ansi hversdagslegir hlutir sem enda þar inni, en er það ekki einmitt það skemmtilega?

Frá því 2. júní hef ég verið meira í Lögbergsdómi en heima hjá mér. Ég er ekki allaf jafn buguð og á þessari mynd samt. Það verður samt ansi gott að skila á miðvikudag. 

Ég er líka búin að vera ansi dugleg í ræktinni. Vivo Fit er alger snilld og mjög hvetjandi!

Elsku Baldvin kom óvænt heim með einn berjaref handa mér eitt kvöldið í vikunni. 

Emilía Embla kúrir iðulega með dótinu sínu

Ansi góð byrjun á deginum. Hafragrautur með döðlum, möndlum og kókosflögum.

Hádegisnestið. Túnfiskur, smá heilhveitipasta, sólþurrkaðir tómatar, salat og ólífur.

Er ég skreið upp í rúm eitt kvöldið voru þessir búnir að koma sér vel fyrir á koddanum minum

Svona rúlla ég í lærdómnum. Hælaskór, hvítir sokkar, legghlífar og kósíbuxur.

Ég er augljóslega leirlistaðamaður mikill.

Góðhjartaða súlkan með litla músarhjartað

Ég þekki ekki marga sem eru góðhjartaðri og yndislegri en elsku stelpan mín. Hún sér alltaf til þess að öllu sé skipt jafnt og allir fái eitthvað fyrir sinn snúð. (Hvort sem það er dót, eitthvað matarkyns eða eitthvað allt annað). 

Hún er hinsvegar með ansi lítið músarhjarta. Henni finnst fuglar t.d. eitt af því ógnvænlegra sem verður á vegi hennar. Þessir litlu skógarþrestir þið vitið. Um daginn gat hún t.d. ómögulega spilað fótbotla því að hinum megin á vellinum glitti í einn lítinn þröst. Hún segir líka iðulega áður en hún fer að sofa "Það er enginn fugl hér?" í spurnartón. Ekki veit ég hvaðan hún fær þessa fuglafóbíu. 

Við fjölskyldan ræddum um daginn að við þyrftum nú endilega að gefa greyjunum smá að borða svona úr því það væri vetur og svona mikill snjór. Við létum verða af því í dag og bíðum spennt þar til í fyrramálið að sjá hvort að fuglarnir hafi þáð matarboðið. 

Hetjan hlitla með vasaljósið sitt

Þarna rakst hún einmitt á einn vængjaðann

Mjög spennandi

Fuglar eru svo reyndar ekki eina dýrið sem hún veit ekki alveg hvering hún á að haga sér í kringum. Hún er svakalega áhugasöm um öll dýr en á sama tíma stirðnar hún upp ef dýrin koma of nærri. Það verður eitthvað að vinna með þetta áður en við fáum okkur hund. 

Um daginn sá hún einmitt hund pissa í grasið og sagði þá með undrunartón "hann er að pissa í grasið! En hestarnir borða grasið, það er nú svolítið skrítið!" Skarplega athugað hjá minni..

Ég fer í fríið

Það lifnaði heldur betur yfir skammdeginu í gær! Ég fjárfesti í miðum til Búdapest í mars og Washington í apríl þar sem ég mun keppa í Jessup! Svo höfum við hjúin bókað ferð til Parísar, í paraferð, í júní. Mikið sem ég hlakka til. Að ferðast er það skemmtilegasta sem ég geri og mikið sem ég er glöð að fá tækifæri til að ferðast svona mikið á þessu ári.

Það er ekki á hverjum degi sem maður fer til Búdapest:

Ég hef tvisvar farið til Washington, þar af einu sinni núna bara fyrir 2 mánuðum síðan. Ég er alveg yfir mig hrifin af þeirri borg og finnst sko ekki leiðilegt að vera að fara þangað aftur. Þar verð ég í tæpar 2 vikur.

Svo er það París, Þangað hefur mig alltaf langað til að koma. Baldvin laumaði svo einni parísarferð í pakkann undir jólatréð í ár. Ég get ekki beðið! Það verður dásamlegt að fá að spóka sig um í París í viku og njóta þess sem borgin hefur upp á að bjóða. Þetta verður langþráð paraferð með mikilli rómantík og skemmtun.

Já, ég segi nú ekki annað!

Þá er best að halda áfram að undirbúa þessa greinargerð sem er víst lykillinn að Jessup. 

Skammdegið

Það er gott til þess að hugsa að daginn sé farið að lengja smám saman. Mér finnst myrkrið alltof stór partur af árinu. Jólaljósin bjarga því í desember og mín fá að loga áfram þó að þrettándinn sé í dag.

Skottan mín byrjaði aftur á leikskólanum í dag eftir u.þ.b. tveggja vikna jólafrí og veikindi. Það var ekki auðvelt fyrir hana greyið. Hún sagði hvað eftir annað að hún vildi ekki fara í leikskólann, vildi bara vera heima hjá mér. Það er ansi erfitt fyrir mömmuhjartað að þurfa ítrekað að segja henni að það sé ekki hægt á meðan hún grætur sárt. Við komumst loks á leiðarenda og þar fór hún aftur að hágráta þegar ég kvaddi hana. Hún er eflaust búin að jafna sig núna og farin að skemmta sér með vinkonum sínum, en samt, þetta tekur á.

Mér finnst þetta sérstaklega erfitt þessa dagana þegar ég sé hana litið. Næstu mánuðir verða ansi bilaðir hjá mér og það verður alltof lítill tími í leiki og knús. Ég mun þó einbeita mér að því að nýta þann tíma, sem ég þó hef, extra vel. Hún er a.m.k. svo heppin að eiga svo dásamlegan pabba sem hún sjálf sér ekki sólina fyrir. Ég veit því að þó að ég verði ekki á staðnum allan tímann þá verður hún í langbestu höndunum.

Jæja, best að fara að nýta tímann!

Hápunktar!

Nýr dagur, næstum búin að jafna mig á svekkelsi næturinnar.
Tók þó þá ákvörðun að fara ekki að endurskapa bloggið í heild sinni, ég hef ekki þolinmæðina í það.

Það sem stóð upp úr á síðasta ári var:

- New York ferð með bóndanum, Emilíu Emblu, mömmu og pabba í febrúar. Það var yndislegt! Fæ hreinlega ekki nóg af þeirri borg og get ekki beðið eftir að skreppa þangað aftur.

- Ohio og Washington (og örstutt stopp í Boston) í október/nóvember með kollegum mínum úr lagadeild. Mikið sem það var skemmtilegt. Ég fékk að skjóta úr byssu, halda Halloween hátíðlegt, hitta justice Scalia, skoða Hæstarétt Bandaríkjanna auk dómshúsa í Ohio, hitta attorney general í Columbus, skoða þinghús, borða góðan mat, kynnast skemmtilegu fólki, fara í risa skemmtigarð sem þó var nánast lokaður vegna mígandi rigningar, versla, sjá the amish og sitja tíma í lagadeild ONU!

- Útilega með mömmuhópnum mínum fyrstu helgina í júlí. Þar hélt ég að mögulega myndum við drukkna úr rigningu. Við fengum einbýlishús mömmu og pabba lánað og þakkaði ég ítrekað fyrir að þurfa ekki að sofa í tjaldi. (Jebb, ég var einu sinni skáti)

- 2 ára afmæli þeirrar stuttu þar sem ég fór hamförum í kökugerð!

- 26 ára afmæli bóndans þar sem ég afrekaði að fara með í kynnisflug sem ég gaf honum að gjöf. Nú er ég harðákveðin að læra flug einhverntíma.

- 1 árs brúðkaupsafmæli.

- 25 ára afmæli sem eytt var í góðum selskap.

- 2 barnasturtur, en ég eignaðist nokkra litla vini á árinu sem leið.

- Síðasta prófið í lagadeild

- Fékk nýja vinnu þar sem ég uni mér alveg hreint glimrandi vel.

- Umsóknarferli Baldvins í háskóla í Bandaríkjunum. Ef þú heldur að það sé vinna að sækja um, þá skaltu margfalda það nokkrum sinnum, þá ertu a.m.k. örlítið nær raunveruleikanum.

- Auður, Pálmi, Eva María, Sara Lind, Matthías, Daníel, Jóhanna og Benjamín flúðu land. Ég er ofsalega stolt af þeim en sakna þess hræðilega að hafa þau nálægt. Sérstaklega finn ég það núna hvað Emilía hefði haft gaman að því að hafa þau nálægt. Við þurfum endilega að fara að drífa okkur í heimsókn.


Já, alveg hreint ágætis ár, viðburðarríkt og ljúft. 2015 verður hinsvegar ekki síðra og ég er hrikalega spennt fyrir öllu því sem er á dagskrá þetta árið. Get ekki beðið!

Þakka allar góðu stundirnar á liðna árinu kæru vinir, megi þær verða fleiri árið 2015.